AKHBARIYAT KYA HAI & ISKI HISTORY
Akhbariyat lafz e AKHBAR se bana hai jiske mani hain Rewayat.
Akhbariyat ki 3 qisme hain :-
1) Qadeemi Akhbariyat - Ye 250 hijri tak chali hai , isme us waqt jab fuqha se koi fatwa manga jata tha to wo uska masla nahi bayan karte the balki usse mutalliq rewayat ko bayan karte the. Us waqt ke kuch mashoor Akhbariyon ke naam- Ibne Aqeel e Ummani, Shekih Sudooq(ar).
2) Dusrey darje ki Akhbariyat-Ye Akhbariyat 270 hijri ke aakhir se Mulla Ameen e Istrabadi ke zariye se shuru hui hai aur ye Akhbariyat Ilme Usool ya Fiqh ke muqabil me shuru hui thi. Is waqt ke kuch akhbariyon ke naam- Sheikh Hurre Aamli, Mulla faiz e kashani,waghairah. Ye Akhbariyat ek maktab e fikr thi jo Usooliyon ke muqabil me bani thi jo ek ilmi bahes hai,iske kuch buniyadi usool they. Is akhbariyat ke kuch faide bhi hue hain jaise Rewayat ki jamawari hui hai, maslan Wasailush Shia jaisi kitab ya Al kafi ya Beharul anwar, ye sab isi akhbariyat ke wajah se wujood me ayi hain.
3) Naam-Nihad Akhbariyat-Ye Akhbariyat Aaj ke daur me panap rahi hai isko dushamane Islam ne shiyo me tafarruqa paida karne aur Awaam ko Ulema aur Ayatollah se door karne ke liye banaya hai. Ye ek sazish ke tahat banayi gyi akhbariyat hai kyuki dushman janta hai ki Marjaiyat ki taqat kitni zayda hai isliye isko akhbariyat ka naam deke Awaam ko Ulema aur Mujtahedeen se door karne ke liye banaya gaya hai. Ye Akhbari sirf REWAYAT ko hi sab kuch samjhte hain aur MARJAE ya FUQHA ke fatwo aur hidayaton ko nahi mante hain. Is Akhbariyat ka target humare Jawan hain jo bahot jaldi Jazbaati ho jate hain aur Aql aur Sha'ur se kaam nahi le paate hain. Asli Akhbariyat kabhi Ulema ki tauheen nahi karti thi magar ye aaj ki naam nihad akhbariyat khule aam ulema ki tauheen karti hai, Azadari me aise beja rusumat ko dakhil karte hai jo aaj tak kisi ne nahi dekha ho, Mustahbat ko wajibat pe tarjeeh dete hain,waghairah.
KHUDA KI BARGAH ME DUA HAI KI 14 MASOOMEEN A.S. KE SADQE ME HUM SABKO ITNI AQL O SHA'UR ATA FARMAYE KI HUM ISKO PEHCHAN SAKE AUR APNI AUR APNE AZEEZON KI ISSE HIFAZAT KAR PAYE AUR YE FITNA NIST O NABUD HO JAYE INSHA ALLAH
ILAHI AMEEN
_Imam Reza (as):_
Hamare mukhalefeen (virodhi / opponents) ne hamare Fazaael (virtues) ke mutalliq Ahadees gharhi hain (have fabricated Traditions) aur oos se unke 3 maqsad waabasta hain:
1) Unki taiyar ki huwi kuchh Riwaayaat GHULU (atishyokti / extreme exaggeration) par mushtamil (aadhaarit / based) hai'n.
2) Kuch Riwaayaat TAQSEER (hum ko ghataane) par mushtamil hai'n.
aur
3) Kuchh Riwaayaat unhone aisi taraashi hai'n jin mei'n hamare dushman ke naam le kar aibo'n (faults) ko bayaan kiye hai'n.
Jab log GHAALIYANA (humko hadd se badhaane wali / exaggerated) Riwaayaat sunenge to wo hamare Shiyo'n ko kaafir kahenge aur log ye kahenge ke Shia Ahlebait (as) ko Rab maante hai'n.
Aur jab log TAQSEER (humko hamari haisiyat se ghataane) par mabni Riwaayaat sunenge to wo hamare liye Taqseer par mabni aqeeda rakhenge aur JAB LOG YE SUNENGE KE AHLEBAIT (AS) NE NAAM LEKAR APNE DUSHMAN KE AIBO'N KO BAYAAN KIYA HAI TO LOG BHI NAAM LEKAR HUMPAR SUB O SHATAM KARENGE (HAMARA NAAM LEKAR HAME BURA BHALA KAHENGE), JAB KE ALLAH TA'ALA NE (SURAH ANAAM AYAT NO.108 MEIN) FARMAYA HAI "AUR TUM UNHEIN (BUUTO'N / IDOLS KO) GAALIYAA'N NA DO JINHE YE LOG ALLAH KE SIWA PUKAARTE HAIN, KAHI'N AISA NA HO KE YE JIHAALAT AUR ZYADATI KARTE HUWE ALLAH KO GAALIYAA'N DENE LAG JAAYEIN".
_(Tafseer Noor us Saqlain, v3, p269)_